“Faydası olacaqsa, Elvini tez-tez asfalta göndərərik”

“Qarabağ”ın baş məşqçisi Qurban Qurbanov komandasının üzvü Elvin Cəfərquliyev bir müddət asfaltda məşq etməsi fikrinə münasibət bildirib.

Futbolxeber.az saytının məlumatına görə, UEFA Konfrans Liqasının üçüncü təsnifat mərhələsinin cavab görüşündə Kiyev “Dinamo”sunu 2:0 hesabı ilə məğlub etdikləri oyundan sonra təşkil edilən mətbuat konfransında mütəxəssisə bu haqda sual ünvanlanıb:

“Elvin Cəfərquliyev deyib ki, bir neçə müddət asfaltda məşq etmişəm. Elvin şıltaqlı dövrünü geridə qoyub?”

Təcrübəli mütəxəssis isə suala cavabında deyib:

“Bəlkə daha çox asfaltda məşq etmək lazımdır ki, düzəlsin. Asfaltda məşq etməyib, məncə... Bəlkə fərdi məşq edib, bilmirəm. Faydası olacaqsa, tez-tez asfalta göndərərik (gülür)”.