“Qarabağ” - “Dinamo" oyunundan öncə fan-zona təşkil ediləcək

Bu gün UEFA Konfrans Liqasının üçüncü təsnifat mərhələsinin cavab oyunu çərçivəsində “Qarabağ” Kiyev “Dinamo”sunu qəbul edəcək.

Futbolxeber.az saytının məlumatına görə, qarşılaşmadan öncə azarkeşlər üçün “Azersun Holdinq”in təşkilatçılığı ilə Tofiq Bəhramov stadionunun önündə xüsusi fan-zona yaradılacaq.

Fan zonada əyləncəli proqram 13 avqust 18:00-dan başlayacaq.

Proqram çərçivəsində müxtəlif oyunlar, DJ performansı və digər əyləncələr azarkeşlərin ixtiyarında olacaq.

Eyni zamanda, holdinqə aid “Azərçay”, “Joyzz”, “Zeytun Bağları”, “Bizim Süfrə”, “Azərsüd”, “Shokki Mokki”, “Bizim Tarla” markaları gələn qonaqlara öz məhsullarını ikram edəcəklər.

Qeyd edək ki, “Qarabağ” futbol klubu 2001-ci ildə “Azərsun Holdinq” tərəfindən himayəyə götürülüb və geridə qalan illər ərzində mühüm uğurlar qazanaraq Azərbaycan idman tarixində adını qızıl hərflərlə yazdırıb.