“Turan Tovuz” ultimatum verir, “Neftçi”nin neçə oyunda haqqı yeyilir, VAR nəyə lazımdır?”

“Turan Tovuz” ultimatum verir, “Neftçi”nin neçə oyunda haqqı yeyilir. Avrokuboka vəsiqənin halal sahibi “Neftçi” olmalıdır ki, qarşısını aldılar. Niyə aldılar? Kim etdi?”

Futbolxeber.az saytının məlumatına görə, bu sözləri “Neftçi”nin sabiq prezidenti Sadıq Sadıqov deyib.

O, “Futbolinfo”ya müsahibəsində cari mövsüm “Neftçi”yə qarşı qərəz olduğunu bildirib:

“Burada 100 faiz müdaxilə, qərəz var. Nə oldu, bir matçda da “Neftçi”nin xeyrinə qərar versinlər də. Bütün bunları düşünmək, analiz etmək lazımdır. Azərbaycan futbolunun tarixi olan “Neftçi”ni silmək istəyirlər? Bacarmayacaqlar, çünki “Neftçi” artıq tarixdədir. Bu klubu heç kim silə bilməz”,

“Sizcə, “Neftçi”yə qarşı bu davranışın bunun səbəbi nədir?” sualını S.Sadıqov belə cavablandırıb:

“Vallah, bilmirəm. Oturub təhlil edirik, baxırıq. Mənim ürəyim “Neftçi” ilə döyünür. Yadımdadır, Avropa Liqasının qrupunda “Partizan”la səfər matçından əvvəl zəng etdilər ki, 20 sentyabr – Neftçilər Günüdür, bu gün uduzmaq olmaz. Allaha dua etdim ki, məni öldür, lakin bu oyunda bizi məğlub olmağa qoyma. Serbiyada 0:0 hesablı heç-heçə etdik. Bu gün çempionatda inkişaf istəyiriksə, hakim səhvlərinin sayı minimuma endirilməlidir. Referi monitora baxıb öz səhv qərarında qalırsa və VAR otağında əyləşən 3-4 hakimin sözü keçmirsə, VAR nəyə lazımdır?”