Tağızadə yenidən Sloveniya çempionatında penalti qaytardı

Sloveniyada ikinci liqasında 25-ci turun oyunları keçirilir.

Futbolxeber.az saytının məlumatına görə, U-21 millimizin sabiq qapıçısı Eldar Tağızadənin şərəfini qoruduğu “Bıstritsa” səfərdə “Nafta 1903” klubuna 1:2 hesabı ilə məğlub olub.

90 dəqiqə meydanda olan Tağızadə rəqibin penalti zərbəsini dəf etsə də, bu, xal qazanmaq üçün kifayət etməyib.

Qeyd edək ki, Eldar Tağızadə ardıcıl ikinci görüşdür ki, rəqibin penaltisini qaytarır.

Hazırda “Bıstritsa” 36 xalla turnir cədvəlinin 6-cı pilləsində qərarlaşıb.

Qeyd edək ki, Tağızadə müqavilə ilə “Barselona”ya məxsusdur, Sloveniya klubunda icarə əsasında forma geyir.