Sxadadze: “Bu sualı klub rəhbərliyinə versəniz, yaxşı olar”

"Qəbələ" Azərbaycan Premyer Liqasının 29-cu turunda doğma meydanda "Araz-Naxçıvan"la 1:1 hesablı heç-heçə edib.

Futbolxeber.az saytının məlumatına görə, "qırmızı-qaralar"ın baş məşqçisi Kaxaber Sxadadze matçdan sonra keçirilən mətbuat konfransında jurnalistlərin suallarını cavablandırıb:

- İkinci hissədəki oyunumuza baxanda deyə bilərəm ki, bu gün 2 xal itirdik. Birinci hissə bir qədər əsəbi keçdi. Bizim oyunlarda həmişə belə olur. Turnir cədvəlindəki yerimizə baxanda baxanda bizim üçün normalıdıtr. Futbolçularda gərginlik var. İkinci hissədə biz yaxşı oynadıq, qol vəziyyətləri yaratdıq. Son nöqtəni qoymaqda çətinlik çəkirik. Bu da stress və ustalıqla bağlıdır. Futbolçularıma təşəkkür edirəm. Xaratker göstərdilər. Bundan sonra bizim üçün bütün oyunlar final kimi olacaq. Azarkeşlərimizə təşəkkür edirəm. Onlardan xahiş edirəm ki, sona qədər komandanın yanında olsunlar.

- Turan Manafov və Quimbila haradadır?

- Bu sualı klub rəhbərliyinə versəniz, yaxşı olar.

- Qarşıdakı turda neçə xal toplamağı planlaşdırırsınız?

- Hər oyunda mübarizə aparmaq lazımdır. Hər matç çətin keçəcək. Sona qədər mübarizə aparmalıyıq. Bu gün çoxları "Araz-Naxçıvan" rahat qələbə qazanacağını düşünürdü. Amma biz göstərdik ki, turnir cədvəlində olduğumuz yerə layiq deyilik.