“Neftçi”dən sərt reaksiya: “Matçda lal, kor, kar VAR”

"Neftçi” Azərbaycan Premyer Liqasının 28-ci turunun “Zirə” ilə oyunun (1:1) hakimliyinə sərt reaksiya verib.

Futbolxeber.az saytının məlumatına görə, klub “Zirə”nin qol vurduğu epizodun şəklini “Matçda lal, kor, kar VAR” sözləri ilə paylaşıb.

Həmin epizodda “Zirə”nin futbolçusu Ruan Renatonun “Neftçi”nin qapıçısı  Kenan Piriçin qarşısını kəsdiyi görünür.

Qeyd edək ki, bu epizodda hakim qolu qeydə alıb, “Neftçi” buna və VAR-ın səssiz qalmasın etiraz edib.

Matçın baş hakimi İnqilab Məmmədov, VAR hakimi Nicat İsmayıllı olub.

“Neftçi”nin digər paylaşını isə epizodun videosudur. Həmin paylaşımda da “Bütün Azərbaycanın gördüyü ofsayd hakimlər və VAR-ın “gözündən yayındı”. Yoxsa elə ssenari bu imiş?” sözləri yer alıb.