“Araz-Naxçıvan”ın baş məşqçisi: “Uşaqlara dedim ki, üzülməyin”

“Araz-Naxçıvan”ın baş məşqçisi Andrey Demçenko bu gün “Qəbələ”yə qarşı keçirilən yoxlama oyunu barədə danışıb.

Futbolxeber.az saytının məlumatına görə, ukraynalı mütəxəssis klubun mətbuat xidmətinə açıqlamasında 0:1 hesablı məğlubiyyəti belə şərh edib:

“Bugünkü oyun daha çox məlumat xarakterli idi və nəticə vacib deyildi. Son 3 gün ərzində yükləmə çox olduğuna görə, futbolçular yorğunluq fonunda meydana çıxmışdılar. Uşaqların verdiyimiz tapşırıqları nə dərəcə icra edə bildiklərinə diqqət yetirdik. Keyfiyyətə önəm verdiyimiz üçün uşaqlara da dedim ki, məğlubiyyətə gorə üzülməyin. Gələcəkdə daha yaxşı oynamaq, irəli getmək üçün edəcəklərimizi öyrənirik".