“Neftçi”nin media koordinatoru: “Azarkeşlərimiz bu cür xəbərlərə inanmasınlar”

Belarus mətbuatının erməniəsilli belaruslu futbolçu Karen Vardanyanın “Neftçi”nin maraq dairəsində olması barədə yazdığı xəbər tamamilə yanlışdır.

Futbolxeber.az saytına bu barədə “ağ-qaralar”ın media koordinatoru Rüstəm Əfsərli məlumat verib.

O bildirib ki, son zamanlar xüsusən də Ukrayna və və Belarus mətbuatında “Neftçi” ilə bağlı heç bir əsası olmayan informasiyalar yayılır: “Azarkeşlərimiz bu cür xəbərlərə inanmasınlar. Bu tip məlumatların heç bir əsası yoxdur. Bu, yalnız həmin xəbərləri yayanların şəxsi maraqları üçündür”.