Əliyar Ağayev “Slaviya” - “Arsenal” oyununa təyinat aldı

Azərbaycanlı FiFA referisi Əliyar Ağayev UEFA Çempionlar Liqasının daha bir matçına təyinat alıb.

Futbolxeber.az saytının məlumatına görə, o, Liqa mərhələsinin 4-cü turunun “Slaviya” (Çexiya) - “Arsenal” (İngiltərə) oyununun baş hakimi olacaq. Ə.Ağayevə Akif Əmirəli, Zeynal Zeynalov (laysmanlar) və Elçin Məsiyev (dördüncü hakim) kömək edəcəklər.

Matçın VAR hakimi Rob Diperink, AVAR hakimi isə Yerun Manşot (hər ikisi Niderland) olacaq.

Oyun noyabrın 4-ü, Bakı vaxtı ilə saat 21:45-də başlanacaq.