Xorxe Silva: “Qarabağ”a qarşı yalnız 1 hissə yaxşı oynadıq”

“Bizim üçün çox çətin oyun alındı. Təəssüf ki, “Qarabağ”a qarşı yalnız bir hissə yaxşı oynadıq”.

Futbolxeber.az saytının məlumatına görə, bu sözləri “Turan Tovuz”un müdafiəçisi Xorxe Silva Azərbaycan Premyer Liqasının 8-ci turunda “Qarabağ”a 1:2 hesabı ilə uduzduqları oyun barədə danışarkən deyib.  

Portuqaliyalı müdafiəçi Ağdam klubunun gücünü qabardıb: “Matça yaxşı başladıq. Fasilə ərəfəsində hesabda önə də keçdik. Təəssüf ki, ikinci hissədə bunun ardını gətirə bilmədik. Fasilədən sonra müdafiədən oynadıq. Bu, heç də yaxşı hal deyil. Lakin “Qarabağ”ın gücünü də nəzərə almaq lazımdır. Bu komandaya qarşı 90 dəqiqə eyni tempdə oynamaq çox çətindir”.

O, növbəti oyunlarda daha yaxşı çıxış edəcəklərini vurğulayıb: “Təkcə “Qarabağ” deyil, digər favoritlərə qarşı da oynamaq asan deyil. Azərbaycan çempionatında rəqabət güclüdür. Demək olar ki, hər matç çətin keçir. Bununla belə, növbəti matçlarda daha yaxşı çıxış edəcəyik. Buna inanıram”.

TAĞI