Azərbaycanlı qapıçı Albaniya klubunda

Azərbaycanlı futbolçu Elməddin Məmmədov yenidən legioner həyatı yaşayacaq.

Futbolxeber.az saytının məlumatına görə, ötən mövsüm "Mingəçevir"də oynayan qapıçı Albaniyada çıxış edəcək. 29 yaşlı qolkiper "Luftetari Gjikastra" klubu ilə 1+1 illik müqavilə imzalayıb.

Qeyd edək ki, E.Məmmədov bunadək “Alqa”(Qırğızıstan), “Tsxinvali”(Gürcüstan), “TC Sports Club” (Maldiv adaları), “Muras Yunayted”(Qırğızıstan), “St. Andryus” (Malta), “Yedinstvo Bihac” (Bosniya və Herseqovina) klublarında oynayıb.