“Neftçi” - “Şamaxı” oyununun biletləri sabah satışa çıxacaq

Azərbaycan Premyer Liqasının 1-ci turu çərçivəsində keçiriləcək “Neftçi” - “Şamaxı” matçının biletləri oyundan bir gün əvvəl satışa çıxarılacaq.

Futbolxeber.az saytının məlumatına görə, qiyməti 2 (“Şərq 1”, “Şərq 2”, “Forza”, “Qərb 2” sektorları), 3 (“Cənub üst” sektoru), 5 (“Cənub alt” sektoru), 15 (“VIP Silver” sektoru) və 20 (“VIP Gold” sektoru) AZN təşkil edəcək biletləri stadionunun kassasından əldə etmək mümkün olacaq.

Kassa avqustun 15-i saat 11:00-dan 18:00-dək, oyun günü isə 11:00-dan oyun saatına qədər işləyəcək.

Qeyd edək ki, mövsümlük biletləri isə onlayn şəkildə https://bilet.neftchi.az saytından əldə edə bilərsiniz.

Xatırladaq ki, avqustun 16-sı “Palms Sports Arena”da keçiriləcək “Neftçi” - “Şamaxı” matçı saat 20:00-da start götürəcək.