“Zirə” Türkiyə toplanışını böyük hesablı qələbə ilə başa vurdu

"Zirə" bu gün Türkiyədə növbəti yoxlama matçını keçirib.

Futbolxeber.az saytının məlumatına görə, Rəşad Sadıqovun baş məşqçisi olduğu komanda qardaş ölkə təmsilçisi "Pendik"lə qarşılaşıb.

Görüş "Zirə"nin 4:0 hesablı qələbəsi ilə yekunlaşıb. Qollara Brahim Konate, Davit Volkov və Junior Martins (dubl) imza atıblar. 

Bununla da təmsilçimiz Türkiyədə keçirdiyi 4 oyunun hamısında qələbə qazanıb. Rəşad Sadıqovun komandası daha əvvəl “Ankara Keçiörengücü” (2:1), "Çorum" (2:0) və İordaniya təmsilçisi “Əl-Hüseyn”dən (1:0) üstün olub.

Qeyd edək ki, "Zirə" UEFA Konfrans Liqasının II təsnifat mərhələsində "Hayduk"la üz-üzə gələcək. Komandalar arasında ilk matç iyulun 23-də, saat 19:30-da "Bakcell Arena"da, cavab görüşü isə 31-də, Bakı vaxtı ilə saat 23:00-da “Polyud Stadium”da start götürəcək.