30 Avqust 2025, Şənbə
Sergen Yalçın yenidən “Beşiktaş”da
Kurban Berdıyevdən qələbə şərhi
İliç: "Qələbə seriyamız bitsə də..."
Santuş millinin heyətini açıqladı

Ölkə futbolu

Sessi d'Almeyda: “Neftçi”dən təklif gələndə özümlə qürur duydum”

“Neftçi”dən mənə təklif gələndə özümlə qürur duydum”.

Futbolxeber.az saytının məlumatına görə, bunu “Neftçi”nin yeni transferi Sessi d'Almeyda deyib.

Klubun mətbuat xidmətinə müsahibə verən 29 yaşlı futbolçu “Neftçi”dən təklif aldığına görə sevindiyini gizlətməyib: “Komandamla birgə çox yaxşı mövsüm keçirmişəm. Düşünürəm ki, zəhmətim öz bəhrəsini verdi. Öz üzərimdə çox çalışmışdım və bir çox fədakarlıqlar etmişdim. Nəticədə də “Neftçi”dən təklif gəldi. Belə bir təklif almağım məni çox sevindirir. İndi burada olmağım məni daha da həvəsləndirir”.

Benin millisinin üzvü paytaxtımızı çox bəyənib: “Cəmi 2 gündür burada olmağıma baxmayaraq, Bakı məndə çox yaxşı təəssürat yaratdı. Çox gözəl şəhərdir. Bunu bura gələn kimi hiss etmək olur. İnfrastruktur çox yüksək səviyyədədir. Hava limanı da çox xoşuma gəldi. Ümumiyyətlə, Azərbaycan çox gözəl təsir bağışlayır. Bütün ölkə barədə tam məlumat olmasa da, paytaxt həqiqətən də çox gözəldir”.

d'Almeyda “Neftçi” haqda məlumatlı olduğunu qeyd edib: “Klub haqqında əvvəllər eşitmişdim. Burada oynayan dostum var. Bu klub barədə ondan eşitmişdim. Sonra özüm də araşdırma apardım. Mənə dedilər ki, Azərbaycanın, xüsusilə də paytaxt Bakının tarixi klubudur. Dediyim kimi, “Neftçi” haqda məlumatlı idim. Çünki dostum Koffi burada oynayır”.

O, üstün cəhətlərindən də söz açıb: “Ən güclü xüsusiyyətim topu qazanmaqdır. Mən dayaq yarımmüdafiəçisiyəm və bu baxımdan komandanın daha aqressiv olmasında, həm topun geri qalınmasında, həm də müdafiədən hücuma qoşulmada çox kömək edə bilərəm. Komandaya verə biləcəyim əsas şeylər bunlardır. Bilirsiniz, eyni zamanda qətiyyətliyəm və bu da mənim əsas xüsusiyyətlərimdən biridir”.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31