Riad Rəfiyev Harvard Biznes Məktəbinin proqramına qəbul olunub

“Sumqayıt”ın prezidenti Riad Rəfiyev Harvard Biznes Məktəbinin proqramına qəbul olunub.

Futbolxeber.az saytının məlumatına görə, funksioner bununla bağlı sosial şəbəkə hesabında paylaşım edib.

R.Rəfiyev yazıb: “Fəxr hissi ilə bildirirəm ki, Harvard Biznes Məktəbinin  və Avropa Klublar Assosiasiyasının (ECA) birgə əməkdaşlığı olan ECA Executive Leadership Proqramının (ELP) ilk buraxılışına qəbul olunmuşam.

Bu proqram futbolun gələcəyini formalaşdıran insanları bir araya gətirir.

Futbol illərdir ki, mənim həyatım olub və indi bu təcrübəni növbəti səviyyəyə qaldırmaq, həm biznes, həm də idman sahəsində ən yaxşılarından öyrənmək zamanıdır.

“Sumqayıt” FK-nı və Azərbaycan futbolunu burada təmsil etmək mənim üçün böyük şərəfdir”.