Elmar Baxşıyev: “Komandam bu mövsüm böyük iş gördü”

“Komandama təşəkkür edirəm. Bu mövsüm böyük iş gördülər. Mövsümü layiqli yerdə bitirdik”.

Futbolxeber.az saytının məlumatına görə, bu sözləri “Araz-Naxçıvan”ın baş məşqçisi Elmar Baxşıyev Azərbaycan Premyer Liqasının sonuncu – 36-cı turunda “Zirə”yə 0:1 hesabı ilə uduzduqları oyundan sonra deyib.

Mütəxəssis klubla müqaviləsinin bitməsinə belə münasinət bildirib: “Gələcək barədə mən də heç nə bilmirəm. Danışıq olmayıb. Burada olsam da, olmasam da, komandaya uğurlar arzulayıram. "Araz-Naxçıvan" mənə doğmadır. Komandanı formalaşdırmaq üçün çox çətinliklərdən keçdik. Nələr olacağı ilə bağlı klub açıqlama verəcək”.

“Qara Qarayevin heyətdə olmamasının səbəbi nədir?” sualını E.Baxşıyev belə cavablandırıb: “Mikro zədəsi olduğuna görə ehtiyatlı davrandıq”.