Elvin Məmmədov: “İkinci hissədə "Sumqayıt" öz gücünü göstərdi”

"Sumqayıt"ı təbrik edirəm. Premyer Liqadan düşməyimiz 3 tur əvvəl rəsmiləşmişdi. Belə vəziyyətdə komandanı hazırlamaq çətindir. Düzdür, bu, bizim işimizdir. Nə qədər çalışsaq da, motivasiyanı saxlaya bilmirik”.

Futbolxeber.az saytının məlumatına görə, bu sözləri “Səbail”in baş məşqçisi Elvin Məmmədov Azərbaycan Premyer Liqasının 36-cı turunda “Sumqayıt”a 1:4 hesabı ilə uduzduqları oyundan sonra deyib.

O, birinci daha yaxşı oynadıqlarını bildirib: “İkinci 45 dəqiqədə isə "Sumqayıt" öz gücünü göstərdi. Bundan sonra qollar buraxdıq. Bizim üçün çempionat onsuz da bitmişdi. Bundan sonrakı perioda baxacağıq”.

Mütəxəssis bəzi aparıcı futbolçuların meydana çıxmamasının səbəbini belə izah edib: “Gitay Sofirin ayağında bir az problem var idi. Risk etmədik. Həm də gənc futbolçu Oruca şans verdik. Pis də oynamadı”.