"Şahdağ Qusar" çempion oldu

II Liqada 2024/25 mövsümünə yekun vurulub.

Futbolxeber.az saytının məlumatına görə, 26-cı turun son oyun günündə 4 matç keçirilib.

Çempion da məhz son turda bəlli olub.

Lider "Şahdağ Qusar" "Dinamo" ilə qolsuz heç-heçə edib. Bununla da qusarlılar çempionluğu rəsmiləşdiriblər.

İkinci pillədəki "Şəfa" isə səfərdə "Qusar"la qarşılaşıb və 9:0 hesablı qələbə qazanıb.

Bununla da, "Şahdağ Qusar" 72 birinci, "Şəfa" isə 71 xalla ikinci olub.

Qeyd edək ki, daha əvvəl "Şahdağ Qusar", "Şəfa", "Şimal" 1-ci liqaya vəsiqəni təmin edib.

21 may

“Şəmkir” - “Şəki Siti” - 2:0

Qollar: A.Tağıyev, 57; V.Cəfərov, 65 - pen.

“Araz Saatlı” - “Haypers Quba” - 0:2

Qollar: N.Novruzov, 36; C.İmamverdiyev, 90+4- pen.

Qırmızı vərəqə: R.İbrahimov, 70 ("Araz Saatlı"); A.Həşimli, 70 ("Haypers Quba")

“Dinamo” - “Şahdağ Qusar” - 0:0

“Qusar” - “Şəfa” - 0:9

Qollar: E.Zamanov, 14; Ə.Hüseynov, 22; A.Yunanov, 27 - pen; 40, 54, 72; Ü.Quliyev, 76, 79; S.Ağayev, 82

Qırmızı vərəqə: R.Rüstəmov, 26 ("Qusar")

20 may

“Füzuli” - “Lerik” - 0:1

“Kür-Araz” - “Ağdaş” - 1:4

“Şimal” - “Göygöl” - 2:0