Tovuzda yenə hakimlər ön planda: Berdıyevə “qırmızı” göstərildi

Bu dəqiqələrdə Azərbaycan Premyer Liqasının XXX turu çərçivəsində keçirilən “Turan Tovuz” - “Sabah” matçında insident yaşanıb.

Futbolxeber.az saytının məlumatına görə, matçın 20-ci dəqiqəsində qonaqların müdafiəçisi Rəhman Daşdəmirov Tovuz klubunun kapitanı Emmanuel Hakmanla mübarizədən sonra yerdə qalıb, matçın baş hakimi isə epizodu kobud oyun kimi dəyərləndirib. “Turan Tovuz”un baş məşqçisi Kurban Berdıyev gözü önündə baş verən bu epizoda sərt şəkildə etirazını bildirib. Təcrübəli mütəxəssis hakimə futbolçusunun çiyinlə oynadığını bildirib. Berdıyevin etirazı Məsiyevin ona əvvəlcə sarı, daha sonra isə qırmızı vərəqə göstərməsi ilə yekunlaşıb. Berdıyevə göstərdiyi qırmızı vərəqə ilə kifayətlənməyən Elçin Məsiyev köməkçi məşqçi Yunis Hüseynovu da sarı vərəqə ilə cəzalandırıb.

Qeyd edək ki, hazırda 25-ci dəqiqəsi oynanılan görüşdə qonaqlar 1:0 hesabı il öndədir.