30 Mart 2025, Bazar günü
“Neftçi Arena” və Sumqayıtda heç-heçə
Sərxan Hacıyev ofsaydda
Tovuzda yeni rekord qeydə alındı
“Üçüncü qola qədər ümid var idi”

Ölkə futbolu

Ervin Koffi: “Məqsədimiz finala çıxmaq və kuboku qazanmaqdır”

“Neftçi”nin böyük klub olduğunu bilirdim. Buna görə də məni transfer etmək istədiklərini öyrənəndə dərhal müsbət cavab verdim”.

Futbolxeber.az saytının məlumatına görə, bu sözləri “Neftçi”nin müdafiəçisi Ervin Koffi klubun televiziyasına müsahibəsində deyib.

O, hazırda komandada hər şeyin möhtəşəm olduğunu bildirib: “Bizim çox yaxşı azərbaycanlı futbolçularımız var. Əvvəllər azərbaycanlı futbolçuların bu qədər yaxşı olduğunu bilmirdim. Təlim-məşq mərkəzimiz də yenilənib. Hər şey möhtəşəmdir”.

Fransız müdafiəçi “Neftçi”nin baş məşqisi Samir Abasov haqda müsbət fikirlər səsləndirib: “Əla baş məşqçimiz var. Bilirəm ki, Samir Abasov bir neçə il əvvəl “Neftçi” ilə çempionluq qazanıb. Buna görə də yaxşı məşqçidir. Komandaya gəldiyi gündən öz futbol fəlsəfəsini tətbiq etməyə başladı. Biz topa sahib olmaq və onu saxlamaq üzərində çoxlu məşqlər edirik. O, komandaya qoşulandan sonra daha yaxşı nəticələr əldə etməyə başladıq. Buna görə də hamımız xoşbəxtik və addım-addım inkişaf edirik. O, futbolla yaşayan insandır. Biz qol vuranda Samir Abasovun reaksiyasını görmək maraqlıdır. Həqiqətən də yaxşı məşqçidir”.

Azərbaycan Premyer Liqasının 22-ci turunda “Neftçi” səfərdə “Zirə” üzərində 2:1 hesablı qələbə qazanıb ki, qələbə qolunu da 90+3-cü dəqiqədə Ervin Koffi vurub: “Zirə” üzərində səfər qələbəsi qazanmaq və son dəqiqədə qol vurmaq çox fantastik idi. Hər oyunda belə qol vura biləsəm, əla olardı. Hamımız birlikdə atılıb-düşürdük. Sonra paltardəyişmə otağına qayıtdıq. Hər şey möhtəşəm idi”.

30 yaşlı futbolçu qeyd edib ki, cari mövsümdə hədəfləri ölkə kubokunu qazanmaqdır: “Motivasiyamız yüksəkdir. Məqsədimiz finala çıxmaq və kuboku qazanmaqdır. Hədəfimiz kubokdur. Bizi qarşıda “Sabah”la 2 vacib oyun gözləyir. Meydanda əlimizdən gələni etməliyik. Çünki bu, bizim məqsədimizdir”.

Sonda “Neftçi”nin müdafiəçisi komandanın azarkeşləri barədə də fikirlərini bölüşüb: “Bəzən beynimdə deyirəm ki, onlar çılğındırlar. Məsələn, “Kəpəz”lə oyunda qar yağırdı. Amma fanatlarımızın yarısı köynəksiz idi. Onlar əsl azarkeşdirlər. “Neftçi”ni və futbolçuları çox sevirlər. Biz də onları sevirik. Həm məğub olanda, həm də qalib gələndə onların bizim üçün hər şeylərini verdiklərini görmək məni sevindirir. Azarkeşlərimiz hər zaman bizimlədirlər”.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2025
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30
31