4 Aprel 2025, Cümə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Ölkə futbolu

“200 faiz əminəm ki, “Sumqayıt” Premyer Liqada qalacaq”

“Azarkeşlərimizə təşəkkür edirəm. Yaxşı oyunun şahidi oldular. Deməyə çox söz yoxdur. Çalışırıq. İnanıram ki, "Kəpəz"lə oyunda bunun bəhrəsini görəcəyik. Hər şey qaydasındadır. Sadəcə olaraq son nöqtəni qoya bilmirik. Bunun üzərində də çalışırıq”.

Futbolxeber.az saytının məlumatına görə, bu sözləri “Sumqayıt”ın baş məşqçisi Vaqif Cavadov Azərbaycan Premyer Liqasının 25-ci turunda “Qarabağ”a 0:2 hesabı ilə uduzduqları oyundan sonra deyib.

Daha sonra o, jurnalistlərin suallarını cavablandırıb:

- Artıq neçənci turdur ki, eyni sözləri eşidirik...

- Nə eşitmək istəyirsinizsə, deyin, mən də onu deyim. İmkanlarımız var, amma istifadə edə bilmirik. Ancaq səbr etmək lazımdır. Problemlər "Kəpəz"lə oyunda öz həllini tapmalıdır. Bütün fikrimiz həmin matça yönəlib. Hələ ki komandanın "sükanı arxasında"yam. İnanıram ki, hər şey qaydasında olacaq.

- "Kəpəz"ə məğlub olsanız, istefa verəcəksiniz?

- Hər şey ola bilər. Əlbəttə ki, biz qalib gəlməliyik. Bunu futbolçular da dərk edir. İndi də istefa verə bilərəm. Futbolçuların əzmkarlığı, intizamı, sərgilədikləri oyun onu deməyə əsas verir ki, komanda hər şeyi edir. Sadəcə olaraq qol imkanlarından istifadə edə bilmirik. Ruhdan düşmürük. Çox işləmək lazımdır. Komandanın bu durumdan çıxması üçün əlimdən gələni edəcəyəm. 200 faiz əminəm ki, komanda Premyer Liqada qalacaq.

- Nəyə əsasən bu qədər əmin danışırsınız?

- Komandaya və futbolçulara güvənirəm. "Kəpəz"lə oyundan sonra hər şey normallaşacaq.

- Sanki küskün görünürsünüz...

- Küskün olaram da. "Sumqayıt"a təzə gələndə deyirdilər ki, Vaqif komandanı çətin durumdan çıxardı. İndi deyirlər ki, Vaqif təcrübəsizdir. Yaxşı günlər də olacaq, pis günlər də. Məşqçi belə yetişir. Rəhbərlik sağ olsun ki, hələ ki, dözür, inanır.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30