“Neftçi” hazırlığı başa vurdu

“Neftçi” Azərbaycan Premyer Liqasının 19-cu turunda qarşılaşacağı “Sabah” ilə matçın hazırlığını başa vurub.

Futbolxeber.az saytının məlumatına görə, “ağ-qaralar” bu gün “Neftçi” Futbol Mərkəzində oyunöncəsi son məşqinə çıxıb.

Futbolçular - Rəhman Hacıyev, Rafael Quzzo və Dembo Darbo zədə səbəbindən bu görüşü buraxacaqlar.

Qeyd edək ki, yanvarın 19-u “Neftçi Arena”da keçiriləcək “Neftçi” - “Sabah” oyunu saat 18:30-da başlanacaq.