Elmar Baxşıyev: "Çox kədərlənmək fikrimiz yoxdur"

“Ağır oyun alındı. Meydanda mübarizə getdi. Məğlub olsaq da, çox kədərlənmək fikrimiz yoxdur. Komanda olaraq bu oyunu unudub, qarşıdakı matça hazırlaşacağıq”.

Futbolxeber.az saytının məlumatına görə, bu sözləri “Araz-Naxçıvan”ın baş məşqçisi Elmar Baxşıyev Azərbaycan Premyer Liqasının XIX turunda “Zirə”yə 0:1 hesabı ilə uduzduqları oyundan sonra deyib.

Daha sonra o, jurnalistlərin suallarını cavablandırıb:

- Qara Qarayevi fasilədə əvəzlədiniz. İkinci hissəni ehtiyatda izlədi, yoxsa evə göndərdiniz?

- Bizimlədir, evə niyə getməlidir? Sadəcə düşündük ki, emosiyalarını daha artıq birüzə verər, ona görə əvəzlədik. Hər iki komandanın oyunçuları mübarizədən çəkinmirdilər. Futbolda bu cür hallar olur.

- Barışıq oldu?

- Nə olursa, meydanda qalır.