“Ehtiyat qüvvə ümidləri doğrultdu”

“Araz-Naxçıvan”ın baş məşqçi Elmar Baxşıyev Azərbaycan kubokunun II təsnifat mərhələsi çərçivəsində “Şahdağ Qusar” üzərində qazanılan 4:0 hesablı qələbəni şərh edib.

Futbolxeber.az saytının məlumatına görə, o, ehtiyat qüvvənin etimadı doğrultduğunu bildirib:

“Bu dəfə Premyer Liqa oyunlarında az və ya heç şans vermədiyimiz futbolçularla meydana çıxdıq. Çünki qarşıda sıx oyun qrafikimiz var. 10 gün ərzində 3 çempionat matçı keçirməliyik. Buna görə də ehtiyat qüvvədən maksimum istifadə etməyə çalışdıq. Onlar da ümidləri doğrultdular. Həm oyun planında verdiyimiz tapşırıqları yerinə yetirməyə çalışdılar, həm də komandanı qarşıya qoyulan məqsədə doğru apardılar. Buna görə futbolçuları təbrik edirəm”.

Mütəxəssis qarşıdakı matçda rəqibə uğurlar arzulayıb: “Rəqibimiz də hesaba baxmayaraq, sona qədər mübarizə apardı. Elnur Abdullayevi də yaxşı komanda formalaşdırdığına görə təbrik edirik. Onlara da qarşıdakı oyunlara uğurlar arzulayırıq”.