Elmar Baxşıyev: “Layiqli qələbə qazandıq”

“Bilirdik ki, ağır oyun olacaq. "Şamaxı" Premyer Liqada yeni olsa da, Ayxan Abbasov yaxşı, əzmkar komanda yaradıb. Komadam meydanda istədiyimi verməyə çalışırdı. Düşünürəm ki, layiqli qələbə qazandıq”.

Futbolxeber.az saytının məlumatına görə, bu sözləri “Araz-Naxçıvan”ın baş məşqçisi Elmar Baxşıyev Azərbaycan Premyer Liqasının X turunda səfərdə “Şamaxı”nı 1:0 hesabı ilə məğğlub etdikləri oyundan sonra deyib.

Ardınca mütəxəssis jurnalistlərin suallarını cavablandırıb:  

- Oyun tez-tez dayanırdı. Temp sizi qane etdi?

- Dinamika yaxşı idi. Hər iki komanda əzmkarlıq göstərirdi, həm də bir-birinə hötmət edirdi. Ümumi hakimlik normal idi.

- Komandanızın müdafiədəki oyunundan razısız?

- Müdafiə sırf müdafiəçilərdən ibarət deyil. Ümumi müdafiə planında bəzi epizodlarda boşluqlar veririk. Bu da normaldır

- Sezar Meza Koli komandaya xeyir verəcək?

- Bəli, bizə xeyri dəyərək. Meza Kolli yaxşı keyfiyyətlərə malik futbolçudur. Onu iyun ayında gətirmək istəyirdik. Sadəcə belə alındı.