19 Sentyabr 2024, Cümə axşamı
"Sumqayıt"da gürcüstanlı yarımmüdafiəçi
Andersson "Neftçi"dən getdi
"Portu"nun yetirməsi "Kəpəz"də
Amil Yunanov Albaniya klubunda

Ölkə futbolu

Rəşad Sadıqovdan qələbə şərhi

"Futbolçularımı təbrik edirəm. Vacib üç xal qazandıq. Oyun bizim üçün uğurlu başladı. İlk dəqiqədə pressinq tətbiq edərək, topu əldə edib qapıya zərbə vurduq. Hesabı açdıq. Ondan sonra oyun daha çox ortada keçirdi. İlk hissədə ərazi üstünlüyümüz var idi. Bilirdik ki, fasilədən sonra rəqib daha çox irəli atılacaq. Futbolçularımız tempdən düşmədi və lazım olan ikinci qolu vurduq. Bizim üçün çox vacib qələbə qazandıq".

Futbolxeber.az saytının məlumatına görə, bu sözləri “Zirə”nin baş məşqçisi Rəşad Sadıqov Azərbaycan Premyer Liqanın 6-cı turunda “Neftçi”ni 2:0 hesabı ilə məğlub etdikləri oyundan sonra deyib.

O, daha sonra mətbuat konfrasında jurnalistlərin suallarını cavablandırıb.

- Bugünkü "Zirə" görmək istədiyiniz komandadır?

- Faiz nisbəti olaraq deməyəcəm. Oyunçulardan razıyam. Çempionatda iki məğlubiyyətimiz var idi. Nəticə psixoloji cəhətdən çox önəmlidir. Bərabərlik də pis nəticə sayılmayacaqdı.

- Yusuf Lavalın transferində Junior Martinsin zədələnməsi rol oynadı?

- Lavalla danışığımız mövsümün əvvəlində olmuşdu. Klub buraxmırdı. Ani baş verdi keçid. Məsələ Juniorun zədəsi ilə bağlı deyil. Hücumda cəmi 5 futbolçu var idi. Axtarışlarımız davam edirdi. Tam istədiyimiz variant çıxmırdı. Laval təklif olunduqda, düşünmədən imzaladıq. Bilirdik ki, zədəsi var. Beş-altı həftə sonra bizə qoşulacaq. Uzun müddət komandamıza xidmət etməsini düşünürük. Altı hücumameyilli oyunçumuz var. Sağlam rəqabət olacaq.

- Filipe Paxtmanın taleyi necə olacaq?

- Artıq üçüncü dəfə zədələndi. Müalicə olunacaq. Çarpaz bağlar qopan futbolçunun müalicə yolu ilə düzəldiyini bilmirəm. Onlar əməliyyatı yox, müalicəni seçib.

- Ayron Qomisin iştirak ərizəsində adının olmaması nə ilə bağlıdır?

- "Kasımpaşa" ilə toplanış keçmişdi. Komandamıza da qoşulmuşdu, sadəcə zədələndi. Futbolda belə hallar olur. Sağlam olan futbolçularımız itkiləri hiss etdirmirlər.

- Avrokuboklardakı çıxışınız sizə inam qazandırıb?

- Bəzən mənfi təsiri olur, bəzən müsbət. İki sezon əvvəl "Makkabi" ilə oyundan döndük və uçurama düşdük. Çempionatı uğursuz başladıq. Sonda da təsirini göstərdi. Bilmirik sabah necə olacaq. Zaman göstərəcək. Rəqib üzərində üstünlüyümüz o idiki, daha çox hazırlaşmışıq, daha çox oyun keçirmişik. "Neftçi"nin baş məşqçisi yeni gəlib. Əminəm ki, "Neftçi" qarşıdakı turlarda toplarnacaq. Görünən odur ki, olduqca gərgin və maraqlı çempion olacaq.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2024
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30