23 Iyul 2024, Çərşənbə axşamı
"Neftçi"də almaniyalı müdafiəçi
"Kəpəz" küveytlilərə qalib gəldi
"Qarabağ" Cəbəllütariqə yollanır
“Kəpəz”də albaniyalı yarımmüdafiəçi

Ölkə futbolu

Aydın Bayramov: “Zirə”dən zəng gələndə heç düşünmədim də”

“Zirə”nin yeni transferlərindən olan Aydın Bayramovun Futbolxeber.az saytına müsahibəsi

 

- Artıq bir neçə gündür məşqlərə başlamısınız. Hazırlıqlar necə gedir?

- Şükür Allaha, hər şey yaxşıdır. Boluda hər cür şəraitimiz var. Bütün komanda canla-başla məşqçilərin verdikləri tapşırıqları yerinə yetirir. Kollektivdə atmosfer əladır.

- “Zirə” məşqlərə çox erkən başladı. Qısa müddətdə istirahət etmək, gərgin mövsümün yorğunluğunu üzərinizdən ata bildiniz?

- Sırf mənə görə deməzdim ki, tez başladıq. Çünki mən “Turan Tovuz”un heyətində sonuncu oyunumu mayın 26-da keçirmişdim. Təxminən 20 gün istirahət etdim. Amma “Zirə” kubokun finalında oynadığı üçün futbolçular iyunun  2-dən istirahətə buraxılıblar. Eləcə də millinin düşərgəsinə yollanan futbolçular da var idi. Onlar üçün istirahət az ola bilər. Amma mən dediyim kimi, 20 gün futbolsuz qaldım.

- Komandada yeni futbolçulardansınız. “Zirə”də sizi necə qarşıladılar?

- Mehriban ah-hava var, hamı bir ailə kimidir. Sağ olsunlar, məni də çox yaxşı qarşıladılar. Kollektivə qısa zamanda tam uyğunlaşacağam.  

- Niyə məhz “Zirə”ni seçdiniz? Çünki başqa klublardan da təkliflər olduğu barədə xəbərlər yayılmışdı...

- “Zirə”yə qarşı simpatiyam var idi. Zəng gələndə heç düşünmədim də. Təklif gəldi, səhərisi günü görüşüb söhbət etdik və razılaşdıq.

- Düşünmürsünüz ki, “Zirə”yə keçməklə öz işinizi çətinləşdirdiniz? Burada sizi Tiaqo Silva ilə gərgin rəqabət gözləyir...

- Bəli, “Zirə”də digər mövqelərdə olduğu kimi, qapı xəttində də güclü rəqabət var. Lakin təkcə Tiaqonu deyil, Anar Nəzirovu da qeyd etməliyəm. Lakin rəqabətdən qorxmuram. Çalışacağam ki, özümü maksimum dərəcədə yaxşı tərəfdən göstərim və məşqçilərin etimadını doğruldum. Kimin oynayıb-oynamayacağına isə məşqçilər qərar verəcək.

İbrahim CƏFƏROV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyul 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30 31