Elmar Baxşıyev: "2 il əvvəllə müqayisədə “Fehervar” çox dəyişib"

“Fehervar” Macarıstanın tanınmış klublarındandır. Heyəti əsasən əcnəbilərdən qurulub. Ev oyununda yaxşı dəstəyə sahib olurlar. Macar azarkeşlər komandaya əla dəstək verirlər”.

Futbolxeber.az saytına açıqlamasında bu sözləri “Araz-Naxçıvan”ın baş məşqçisi Elmar Baxşıyev deyib.

UEFA Konfrans Liqasının II təsnifat mərhələsində “Sumqayıt”ın rəqibi olan Macarıstan təmsilçisi “Fehervar” 2 il əvvəl eyni turnirdə, eyni mərhələdə “Qəbələ” ilə üz-üzə gəlib. Həmin vaxt bölgə təmsilçisi Elmar Baxşıyevin rəhbərliyi altında səfərdə 1:4 uduzsa da, öz meydanında 2:1 hesablı qələbəyə sevindi. Lakin bu, mərhələ adlamaq üçün kifayət etmədi.

Elmar Baxşıyev qeyd edib ki, 2 il əvvəllə müqayisədə “Fehervar” çox dəyişib: “Biz oynadığımız “Fehervar”la indiki komanda arasında fərq böyükdür. Komandada ciddi dəyişikliklər olub. Həmin heyətdən komandada cəmi 2 futbolçu qalıb. Eləcə də baş məşqçi postunda dəyişiklik olub”.