"Kəpəz"in sabiq baş məşqçisi: "Neftçi"nin gödəkçəsini kefimdən geyməmişdim"

"Lokomotiv"lə oyunda "Neftçi"nin gödəkçəsini geyməyimi çox şişirdirlər. Mən həmin gödəkçəni kefimdən geyməmişəm". Futbolxeber.az saytına müsahibəsində bu sözləri "Kəpəz"dən ayrılan Vidadi Rzayev deyib. Veteran futbolçu məsələyə belə aydınlıq gətirdi: "Klubdan mənə verilən formaların ölçüsü böyükdü, əynimə uyğun deyil. Nə mənim, nə də Azər Məmmədovun forması var. Oyuna gələndə "Neftçi"nin gödəkçəsində idim. Lakin meydana çıxanda uşaqlardan birinin gödəkçəsini geyindim ki, yaxşı deyil, çəkiliş olar, görərlər. Oyundan sonra da onu qaytarıb, öz gödəkçəmi geyindim. Bu məsələdə hansısa sensasiya axtarmağa dəyməz. "Neftçi"də illərlə çıxış etmişik, komandanın o qədər forması var ki məndə".