Millimizin keçmiş futbolçusu: “Santuşun fəaliyyətinin uğurlu olacağına inanmağım gəlmir”

“İstərdim ki, milli üçün onun fəaliyyəti uğurlu olsun. Amma  inanmağım gəlmir”.

Futbolxeber.az saytına açıqlamasında bu sözləri milli komandamızın sabiq üzvü Rahid Əmirquliyev Fernandu Santuşun təyinatına münasibət bildirərkən deyib.

Təcrübəli yarımmüdafiəçi millimizin yeni baş məşqçisinin nəticə verəcəyinə inanmır: “Yaş da o yaş deyil. Mən düşünürəm ki, yerli məşqçini qoyub vaxt versəydilər, pis olmazdı. İnanmıram Santuş nəticə qazana bilsin. Təbii ki, millimizin uğurlu olmasını mən də istəyirəm. Təki mən yanılım və Santuşun rəhbərliyi altında millimiz uğur qazansın. Amma inanmağım gəlmir”.

Fərəc ASLANOV