Foqts “Neftçi”yə söz atdı

Bu gün Qırğızıstan – Azərbaycan oyunu ərəfəsində Bişkekdə təşkil edilən mətbuat konfransında jurnalistlərin önünə çıxan Berti Foqts “Neftçi”yə “ilişməyi” də unutmayıb. Apasport.az saytının məlumatına görə, almaniyalı çalışdırıcı “Neftçi”nin futbolçusu Mahir Şükürov artıq çəkidən əziyyət çəkməsi ilə bağlı sualı ironiya ilə cavablandırıb. O, bildirib ki, bunun səbəbini ən yaxşı “Neftçi” rəhbərliyi bilər: “Bu sualı “Neftçi” nümayəndələrinə verin. Onların Sadıq Sadıqov kimi yaxşı prezidenti və onun tanınmış məsləhətçisi var”.