20 Iyun 2024, Cümə axşamı
Millimiz FİFA reytinqində irəlilədi
“Avro-2024: Futbolxeber.az-la qazan!”
"Qarabağ"ın ÇL-dəki rəqibi müəyyənləşdi
"Şamaxı"da fransalı yarımmüdafiəçi

Ölkə futbolu

“Albaniya ilə matçda nəticə ürəkaçan olmasa da, millinin oyun qane elədi”

RAUF ƏLİYEV AVROPA ÇEMPİONATINDAN KƏNARDA QALMASININ SƏBƏBİNİ AÇIQLADI

Milli komandamızın keçmiş hücumçusu Rauf Əliyevin Futbolxeber.az saytına müsahibəsi

  

- Milli komandamızın Albaniyaya qarşı keçirdiyi yoxlama oyunu yəqin ki, izləmisiniz. 1:3 hesablı məğlubiyyəti necə şərh edərdiniz?

- Futbol tərəfindən götürəndə, uşaqlar yaxşı oynadılar. Epizodlar çox idi. Son vaxtlar millimizin izlədiyimiz ən yaxşı oyunlarından biri idi. Lakin rəqibin əks hücumlarında, vurulan qollarda səhvlər oldu. Nəticə ürəkaçan olmasa da, millinin oyun qane elədi.

- İllərdir yaxşı oynayıb, uduzuruq. Bəs yaxşı oynayıb, həm də udmaq üçün nə lazımdır?

- Qələbə qazanmaq üçün ilk növbədə qol vurmaq lazımdır. Qalib gələndə pis oynasan belə, heç kim heç nə demir. Həm də tarixdə nəticə qalır. Odur ki, nəticə vacibdir. Nəticə qazanmaq, qalib gəlmək üçün epizodlardan yaxşı istifadə etməlisən. Futbolçular bu barədə daha yaxşı fikirləşməlidirlər.

- De Byazinin gedişindən sonra millimizdə hansı dəyişiklik hiss edilir? Yaxud Arif Əsədovun gəlişi kollektivdə nəyi dəyişib?

- Milli elədir ki, çox dəyişiklik etmək olmur. Çünki komanda 3-4 gün bir yerə yığılır, sonra isə oyuna çıxır. Hər hansı məşqçinin yeni sistemi oturtması üçün zamana ehtiyac var. Albaniya ilə oyunda əvvəlki matçlarla müqayisədə müəyyən dəyişikliklər hiss olunurdu. Məsələn, ortada Aleksey İsayev oyunu aparırdı.

- Demək istəyirsiniz ki, Albaniya ilə oyun gələcəyə ümid verdi?

- Bəli, həqiqətən də Albaniya ilə oyun gələcəyə ümid verdi. Nəticə də olsa, azarkeşlər də razı qalacaq.

- Bir qədər də minifutboldan danışaq. Milli ilə birgə Monteneqroya təlim-məşq toplanışına yollansanız da, Avropa çempionatı üçün açıqlanan yekun heyətdən kənarda qaldınız...

- Düzünü desəm, Avropa çempionatı özümün marağında olmadı. O mənada ki, gördüm yox, çətindir. Çünki mən zədəyə görə futbolu atmışdım. Əvvəlcə fərqi hiss etmək istədim. Lakin gördüm ki, ağırdır. Həftədə 1 dəfə oynayanda ayağım şişir, dizim ağrıyır. Millidə isə hər gün məşq etmək lazımdır.

- Millimizin Avropa çempionatındakı uğursuzluğu barədə nə deyə bilərsiniz?

- Əlbəttə, hər kəs istəyirdi ki, uğurlu nəticə olsun. Komandamız ardıcıl ikinci dəfə Avropa çempionu adını qazansaydı, yaxşı olardı. Təəssüf ki, alınmadı. Hiss olunur ki, əvvəlki illərə baxanda artıq bütün komandalar bir-birini yaxşı tanıyır. Eləcə də qazaxlar millimizi yaxşı analiz etmişdilər. Baxımlı oynamasalar da, nəticə qazanmağı bacardılar. Penaltilərdə istəklərinə çatdılar.  

- Son mövsüm siz də daxil olmaqla futbol millimizin sabiq üzvləri minifutbol üzrə ölkə çempionatında “İnter”in heyətində çıxış edirdi. Həmin komanda növbəti mövsümdə də fəaliyyətini davam etdirəcək?

- Hələ ki bu barədə hər hansı xəbər yoxdur. Çünki minifutbol üzrə ölkə çempionatı oktyabrın sonu, noyabrın əvvəlində start götürür. Ona qədər isə hələ var.

İbrahim CƏFƏROV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30