“Qarabağ”ın kapitanı: “Zirə” elə-belə komanda deyil, onlara imkan versək, uduzarıq”

“Artıq çempion olmuşuq. Buna görə də uşaqlar konsentrasiyanı tam qoruya bilmir. Fikrimiz daha çox kubokun finalındadır. Rəqiblər isə çempionatda daha çox xal yığmaq barədə düşünürlər”.

Futbolxeber.az saytına açıqlamasında bu sözləri “Qarabağ”ın kapitanı Maksim Medvedev deyib.  

35 yaşlı futbolçu Azərbaycan Premyer Liqasının son turunda “Turan Tovuz”la görüşdə 3 qol buraxmalarına görə gənc qapıçı Amin Ramazanovun günahkar olmadığını bildirib: “Günahı bir nəfər üstünə atmaq olmaz. Hamı öz işini səhvsiz yerinə yetirməlidir. Ağrı mövsüm keçirdik. Son turlarda yorğunçuluq, eləcə də motivasiyanın çatışmazlığı özünü göstərir”.

O, bazar günü “Araz-Naxçıvan”a qarşı keçirəcəkləri görüşdən də söz açıb: “Çalışacağıq ki, qalib gələk. Çempion olsaq da, hər zaman 3 xal qaznmağı hədəfləyirik. Döyüş ruhunu sona qədər saxlamalıyıq. Bu, final qabağı son sınağımızdır. Bütün gücümüzlə mübarizə aparmalıyıq. Daha sonra isə bizi ölkə kubokunun finalı gözləyir”.

M.Medvedev “Zirə” çempionatdan avrokuboklara vəsiqə qazansa, bu finalda “Qarabağ”ın lehinə olar, yoxsa əleyhinə?” sualını belə cavablandırıb: “Biz rəqibin vəziyyəti barədə düşünmürük. “Qarabağ” üçün öz oyunu, öz nəticəsi maraqlıdır. “Zirə” ilə son çempionat oyunumuz çox ağır keçdi. “Zirə” də elə-belə komanda deyil. Onlara imkan versək, uduzarıq”.

Fərəc ASLANOV