Miodraq Bojoviçdən qələbə şərhi

“Oyun psixoloji baxımdan çətin idi. Turnir cədvəli psixoloji basqı göstərirdi. İtkilərimiz var idi. İlk hissədə istədiyimiz kimi oynaya bilmədik. İkinci hissədə Moreno baxımlı qol vurdu. Ondan sonra daha yaxşı oyun sərgilədik. Layiqli qələbə qazandıq”.

Futbolxeber.az saytının məlumatına görə, bu sözləri “Neftçi”nin baş məşqçisi Miodraq Bojoviç Azərbaycan Premyer Liqasının 35-ci turunda “Səbail”ə 3:0 hesabı ilə qalib gəldikləri oyundan sonra deyib.

O, Brkiç və Ataa Caberin əsas heyətdə meydana çıxmasının səbəbini belə izah edib: “Rzanın zədəsi var idi. Ona görə İvan meydana çıxmışdı. Caber isə hər zaman məşqlərdə yaxşı çıxış edirdi. İki dayaq yarımmüdafiəçi ilə başlamaq istəyirdik. Qol buraxmaq istəmirdik. Belə meydanda oynamaq çətindir”.

“Sabah”la oyunda əsas hədəf bir xal olacaq, ya qələbə?” sualını Bojoviç belə cəzalandırıb: “Azarkeşlərimiz önündə daha yaxşı oynayırıq. Statistika da bunu deyir. Meydana çıxıb qələbə qazanmaq istəyirik. Əksini düşünmürük. İnanıram ki, tribunalarda azarkeşlərin sayı çox olacaq. Bu gün bizə dəstək olan azarkeşlərimizə təşəkkür edirəm”.

Monteneqrolu mütəxəssis bu dəfə Ağadadaş Salyanskiyə daha çox şans verməsindən də söz açıb: “Moreno daha yaxşı olmasaydı, Ağadadaş bu gün əsas heyətdə olardı. Ağadadaş özünü yaxşı tərəfdən göstərir və sübut edir ki, oynamağa layiq futbolçudur”.