“Sumqayıt” üçün son dəqiqə şoku, “Neftçi” darmadağın oldu

Bu gün Azərbaycan Premyer Liqasında 33-cü tura start verilib.

Futbolxeber.az saytının məlumatına görə, ilk oyun günündə 2 görüş keçirilib.

Turun açılış matçı Tovuzda baş tutub. “Kəpəz” “Sumqayıt”ı qəbul edib. Hazırda ikinci pillədən qərarlaşan Samir Abasovun komandası qələbəyə yaxın olsa da, son saniyələrdə qapısında qol görməklə 2 vacib xal itirib.

Turun mərkəzi qarşılaşmasında isə “Neftçi” artıq çempionluğunu rəsmiləşdirən “Qarabağ”ın qonağı olub. Görüş "ağ-qaralar"ın darmadağını ilə yekunlaşıb.

Qeyd edək ki, turun digər oyunları mayın 5-i və 6-da keçiriləcək.

Azərbaycan Premyer Liqası

XXXIII tur

4 may

“Qarabağ” - “Neftçi” - 5:0

Qollar: Nəriman Axundzadə, 12, Toral Bayramov, 41, Leandro Andrade, 66, Nəriman Axundzadə, 77, Abdullah Zubir, 85

Hakimlər: İnqilab Məmmədov, Namiq Hüseynov, Kamran Bayramov, Fərid Hacıyev

“Azersun Arena”

“Kəpəz” - “Sumqayıt” - 1:1

Qollar: Cordan Rezabala, 80 (0:1), Elçin Əlicanov, 90+5 (1:1)

Hakimlər: Tural Qurbanov, Zohrab Abbasov, Teymur Teymurov, Nicat İsmayıllı

Tovuz şəhər stadionu

16:30. “Turan Tovuz” - “Zirə”

19:00. “Araz Naxçıvan” - “Sabah”

6 may

19:00. “Səbail” - “Qəbələ"

Bombardirlər: Olavio Juninyo ("Qarabağ") - 17 qol, Aleksandr Ramalinqom ("Səbail") - 13 qol, Yassin Benzia ("Qarabağ"), Nəriman Axundzadə (“Qarabağ”) - 12 qol