"Qarabağ" “Qəbələ”ni məğlub etdi

Bu gün Azərbaycan Premyer Liqasında 23-cü turdan təxirə salınmış bir oyun keçirilib.

Futbolxeber.az saytının məlumatına görə, “Qəbələ” öz meydanında “Qarabağ”ı sınağa çəkib. Bu, Kaxaber Sxadadzenin “Qəbələ”nin baş məşqçisi kimi debüt matçı olub.

Rəqibini darmadağın edən “Qarabağ” 57 xalla çempionatın vahid lideridir. Ağdam klubu ən yaxın izləyəcisi “Sumqayıt”ı 21 xal qabaqlayır. Bu isə o deməkdir ki, Qurban Qurbanovun komandası 5 turdan sonra - sona 7 tur qalmış çempionluğunu rəsmiləşdirə bilər.

“Qəbələ” isə 15 xalla sonuncudur. Əyalət təmsilçisi 9-cu pillədəki “Kəpəz”dən 8 xal geri qalır.

Azərbaycan Premyer Liqası

XXIII tur

28 yanvar

“Qəbələ” - “Qarabağ” - 0:4

Qollar: Adama Diakabi, 47, Riçard Almeyda, 59-pen. Nəriman Axundzadə, 65, Marko Yankoviç, 80

Hakimlər: Tural Qurbanov, Vüsal Məmmədov, Rəhman İmami, Rauf Allahverdiyev

Qəbələ şəhər stadionu