Ölkə futbolu
Sadıq Sadıqov: “Kim “Neftçi”nin yükünü daşıya bilirsə, başımızın tacıdır”
“Neftçi İdman Klubu” İctimai Birliyi idarəetmə aparatının rəhbəri Sadıq Sadıqovun Futbolxeber.az saytına müsahibəsi
- Azərbaycan Basketbol Liqasının 14-cü turu çərçivəsində “Neftçi” son çempion “Sabah”ı bu mövsüm artıq ikinci dəfə məğlub etdi. Təəssüratınız necədir?
- Birinci qələbəmizi hamı təsadüf kimi qiymətləndirdi. Özünüz də gördüz ki, komanda bugünkü oyuna tam motivasiya olmuşdu. Bu cür oyunlara heç motivasiyaya da ehtiyac yoxdur. Hamı bilir ki, “Sabah” avrokuboklarda oynayıb, ölkədə ən güclülərdən biridir. Çempionluğa layiq komandadır. Baş məşqçiləri də yeni gəlib, ikiqat Olimpiya çempionudur. Rimas Kurtinaytis tanınmış mütəxəssisdir. Nə qədər də məşqçi, rəqib güclü olsa da, “Neftçi” öz sözünü dedi. “Neftçi” layiqli qələbəsini qazandı.
- Demək olar ki, son çempiona iki dəfə qalib gələrək “biz də çempionluqda varıq” mesajını verdiz?
- Biz elə ilk gündən çempionluq uğrunda mübarizə aparırıq. Hansı liqada oynamağıma baxmayaraq, belədir. “Neftçi”nin futzal komandası da var, voleybol komandası da, “Qaradağ Lökbatan” da birinci liqadadır. “Neftçi” PFK da var, öz komandamızdır, özgə deyil. Biz hər zaman hər yerdə çempionluğa oynamışıq. Başqa niyyətimiz olmayıb.
- Uzun illər futbolda olduqdan sonra basketboldasınız. Hisslər necədir? Əsəb və gərginlik eynidir?
- İdman elədir ki, əsəb və gərginlik olmasa, bu, idman olmaz. Biz bu gərginlikləri çox görmüşük. Buna uyğunlaşmışıq, streslər bizim üçün adiləşib. Amma doğrudur, hər idman növünün öz stressi var. Hansı komanda ilə oynasaq da, belədir. Rəhbər olaraq, bizim də həm azarkeşlər qarşısında hesabatımız var, həm də idmansevərlər qarşısında. Komandanı meydana çıxarmışıqsa, nəyəsə nail olmalıdır. Nail olmursa, bu komandanı daha nəyə çıxarmışıq?
- Futbolda çempionluqlar və kuboklar qazandınız. Basketbolda da hədəfiniz eynidir?
- Bəli. Həyatda qeyri-real heç nə yoxdur. Əgər komanda əzmkardırsa, nəyəsə nail olmaq istəyirsə, hər bir idmançı özünə riayət etsə, çempionluq qazanmaq olar. Keçən il bizim üçün uğursuz oldu, ilk il idi ki, basketboldaydıq. Keçənilki səhvləri bu il düzəldərək, iki yeni transfer də edərək... Onlar çox yaxşı oynadı. Komanda əzmkar idi. Fikrimiz çempionluq və kuboku qazanmaqdır. Necə “Sabah” Azərbaycanımızı təmsil etdi, biz də avrokuboklarda ölkəmizi layiqincə təmsil etmək istəyirik.
- Futzal, “Qaradağ Lökbatan”, basketbol, voleybol komandası var. Sizin üçün nə dərəcədə çətin və məsuliyyətlidir?
- Çətin deyəndə, işimiz budur. Çətinlik yoxdur. İşimizi planlaşdırmışıq. Planlı şəkildə də işlərimiz gedir. Voleybol komandamız “Azerreyl”lə oynayacaq. Keçən turda da “Xarıbülbül”ü udduq. Ayın 9-da “Qaradağ Lökbatan” “Zaqatala” ilə oynayır. Düzgün idarəçilik var, hərə də öz işini bilir. Kimlərisə də, təyin etmişik, onların da üzərində böyük məsuliyyət var və bu yolda işləyirlər.
- Bəs yenidən “Neftçi” futbol klubunda olmaq istəyiniz varmı, bir ilə, ya 5-10 il sonra?
- “Neftçi” bizim komandadır. “Neftçi”nin adı bizim üçün şərəfdir. Mən “Neftçi”də yetişmişəm, böyümüşəm, orada ad-san qazanmışam. “Neftçi” bizim qürur mənbəyimizdir. Hazırda klubun icraçı direktoru, qardaşımız Fərruxdur. Onunla çoxdandır ki, münasibətimiz var. Bir-iki illik münasibət deyil, onu çoxdan tanıyırıq. Elə bu gün də (söhbət dünən olub - F.A.) onun doğum günü idi, sizin vasitənizlə onu təbrik edirəm. Özüm də təbrik etmişəm. Bugün aşağı-yuxarı elə Fərruxla birlikdəyik. Bizim ürəyimiz bir döyünür. Bu gün Sadıq olmasın, Fərrux olmasın, başqası olsa da belə, kim “Neftçi”yə layiqdirsə, “Neftçi”nin yükünü daşıya bilirsə, başımızın tacıdır.
- “Neftçi”nin durumu çox tənqid edilir. Komandanın hazırkı vəziyyəti necə dəyərləndirirsiz?
- Futbol başqa elmdir. Dərin idman növüdür. Futbolun başqa qayda-qanunu var. “Neftçi”də neçə illər ərzində çox dəyişikliklər oldu. Bəzisi yanlış, bəzisi düz oldu. Yalnış transferlər də oldu. Futbolçunun müqaviləsi varsa, FİFA-nın qaydalarına uyğun hərəkət etməlisən. Məcbursan ya təzminatını verib yola salmalısan, ya da oynatmalısan. “Neftçi” lazımsız transferləri yola salsa, onun üçün uğursuzluq olar. Nəyə görə? Yenidən komandanı formalaşdırmaq, filan. Yəqin ki, mövsümün sonuna qədər gözləmək lazımdır. Maliyyə imkan versə, orada bir çox futbolçular var ki, onları yola salıb, yeni, “Neftçi”nin adına layiq oyunçular transfer etmək lazımdır. Bu haqda Fərrux müəllimlə çox söhbətlər etmişik. Onu da çox yükləmək olmaz. Yeni gəlib. Adrian Mutu ilə bir müddət işlədi. Gördü ki, o deyən mütəxəssis deyil, Miodraq Bojoviç gətirildi. O da təcrübəli məşqçidir. Söhbət baş məşqçinin təcrübəli və ya təcrübəsiz olmasından getmir. Meydanda futbolçu oynayır. Əgər futbolçu bu gün Azərbaycan Premyer Liqasına layiq deyilsə, onu gətirib oynadırıqsa, Bojoviç yox, dünyanın ən güclü məşqçisini gətir qoy “Neftçi”yə heç bir xeyir olmayacaq, heç bir uğur qazanılmayacaq. Odur ki, ilk növbədə transfer məsələlərinə diqqət yetirmək lazımdır. Transferlər qüsur, yanlışlıq olmamalıdır. Əgər yanlışlıq olmasa, komanda öz sözünü deyəcək. “Neftçi”nin o vaxtkı dönəmində Avroliqada “18-liy”i tapıb çıxara bilmirdik. Allah rəhmət etsin, Böyükağa Hacıyev deyirdi ki, skameykam yoxdur. Birinci liqadan oyunçu gətirirdik. Hamısı gözünüzün qarşısında olan hadisələrdir. Gələn ili 16 futbolçunu yola saldıq, hamı dedi ki, “Neftçi” batdı getdi, çətin düzələr. Amma göstərdiyimiz seleksiya işləri elə düzgün quruldu ki... Altı legioner gətirdik, onlar da “Neftçi”nin yükünü daşıdı və komanda Avropa Liqasında qruplara düşdü. İlk ildəcə çempion olduq. Nəzərə alaq ki, Arif Əsədov onda da komandanın üçüncü məşqçisi idi. Onun heç kateqoriyası da yox idi. Amma onu baş məşqçi təyin etdik və uğur da qazandıq. Sonra Böyükağa Hacıyev, sonra Tərlan Əhmədov gəldi. Burada əməyi olan çox insan var, tək Sadıq Sadıqovun ayağına yazılmamalıdır. Biz ailə kimi formalaşmışdıq. Vallah ev-eşik yox idi, elə qalırdıq orada. Komandanın nə dərdi var idisə, rəhbər olaraq bunu həll etməyə çalışırdıq. Bizim, Fərruxun işimiz çıxıb meydanda futbol oynamaq deyil. Bu, futbolçunun işidir. Bizim işimiz ona diqqət və qayğı göstərməkdir ki, onların problem olmasın. Məişət, ailə, bir çox problemlər olur ki, istəyirik qarşısını tez alaq və futbolçu sabah rahat oynasın. İntizam qaydaları var idi ki, onu həyata keçirirdik. Oyunöncəsi elə işlər qurulurdu ki, futbolçu tam gələn oyuna motivasiya olsun. Biz hər oyunu önəmli sayırdıq. Bütün matçları eyni məsuliyyətlə yanaşırdıq ki, biz çempion olmaq istəyiriksə, bu şəkildə komanda ilə rəftar etməliyik. “Neftçi”də gedən prosesləri izləyirəm, maraqlanıram. Hərdən bir Fərrux müəllimlə oturub müzakirələr də aparırıq. İnanıram ki, “Neftçi” bu mövsüm kuboka sahib ola bilər. “Qarabağ”la liqada xal fərqi çoxdur, onlara çatmaq çox çətindir. Onlar oturuşmuş komandadır, illərdir ki, avrokuboklarda qruplardadır. “Qarabağ”ı bugünkü gündə saxlamaq “Neftçi” üçün çox çətin olar. Amma kubokda “Neftçi”nin şansı var. “Qarabağ”da isə iki cəbhədə oynamaq çox çətindir. “Neftçi” yeni baş məşqçi ilə kuboka nail olub, avrokuboklarda ölkəni təmsil edə bilər.
- Daha əvvəl “Qaradağ Lökbatan” çempion olsa da, lisenziya məsələlərinə görə Premyer Liqaya buraxılmamışdı. Hazırda vəziyyət necədir, komandanın Premyer Liqaya gəlmək şansı nə qədərdir və Sadıq Sadıqovu yenidən futbolda rəhbər kimi görə biləcəyik?
- Keçən ilə qədər AFFA-da futbolun inkişafına görə bəzi güzəştlər olurdu ki, futbolçular çöldə qalmasın, inkişaf etsin, filan. Bu güzəştlər var idi. Amma bu il onlar yoxdur. Bizim də bir az sənədləşmə problem var idi. AFFA ilə birlikdə lisenziya sənədlərini hazırlayırıq ki, “Qaradağ Lökbatan” birinci yerə çıxsa, özü lisenziya almış klub kimi iştirak edə bilsin. Hüquqi sənədlər hazırlanırr. Yəqin ki, bir aya kimi qaydasına düşəcək.
Fərəc ASLANOV
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Azər Bağırov: “Futbolçular tapşırıqları icra etmirlər”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Hakimlər “kimə işləyir”? - Araşdırma
- Emin Əmrullayev “Neftçi”ni təbrik edib, AFFA İcraiyyə Komitəsindən danışdı: “Bu nəticəyə görə sevinirik”
- “Futzaldır, minifutboldur, bizim mentalitetlə “1 nömrə” kimi oynamaq çətindir, o potensial bizdə yoxdur”
- Klublar Komitəsinin iclası keçirilib
-
18:24
“Sumqayıt” üçün son dəqiqə şoku, “Neftçi” “Qarabağ”a qarşı (YENİLƏNİR)
-
17:25
Millimiz Belarusa məğlub oldu
-
17:02
Azərbaycan və Kuba Gimnastika Federasiyaları arasında anlaşma memorandumu imzalanıb
-
16:39
Azərbaycan şahmatçısı Sloveniyada qızıl medal qazanıb
-
16:16
Stolüstü tennis üzrə Azərbaycan birinciliyinin mükafatçıları müəyyənləşib
-
15:57
Fərid Qayıbov beynəlxalq yarışlarda uğur qazanan idmançılarla görüşüb
-
12:31
Azərbaycanın bədii gimnastika millisi Avropa Kubokunda bürünc medal qazanıb
-
12:08
“Qəbələ”nin sabiq baş məşqçisi Renat Dadaşovun klubunda
-
11:52
Tələbə Liqasına yekun vurulub, qaliblər mükafatlandırılıb
-
10:45
"Atletik"dən 2 qol, 2 qırmızı vərəqə VİDEO
-
10:29
"Leypsiq" qələbəni əldən verdi VİDEO
-
10:14
Ozan Canın komandası xalsız qaldı
-
10:00
"Beşiktaş" sonda sevindi VİDEO
-
23:31
Azərbaycanın daha bir gimnastı finala yüksəlib
-
22:15
"Araz-Naxçıvan"ın iki futbolçusu məşqləri bərpa etdi
-
21:43
Azərbaycan Basketbol Liqası: "Sərhədçi" ümumi hesabı bərabərləşdirdi
-
21:30
"Prezident Kuboku - 2024" beynəlxalq reqatasının bağlanış mərasimi keçirilib
-
21:22
Azərbaycan və Monteneqro Gimnastika Federasiyaları arasında anlaşma memorandumu imzalanıb
-
17:59
33-cü turun hakim təyinatları
-
17:07
Azərbaycanı Olimpiya Təsnifat turnirində 9 güləşçi təmsil edəcək
-
16:41
U-17 və U-19 millilərimizin rəqibləri bəlli oldu
-
15:32
Zöhrə Ağamirova Avropa Kubokunda finala yüksəlib
-
15:26
Azərbaycan avarçəkənləri "Prezident Kuboku"nu 9 medalla başa vurublar
-
15:18
Bakıda Avropa çempionatı keçiriləcək
-
15:05
Bakıda məhəllələrarası minifutbol turnirinə yekun vurulub
-
14:53
“Böyük Dəbilqə”: Azərbaycan cüdoçularından uğursuz çıxış
-
14:11
Fərid Qayıbov: “Avarçəkmənin daha yüksək səviyyədə inkişafı üçün əlimizdən gələni edəcəyik”
-
13:34
Rəqibi təpiklə vuran futbolçunun cəzası açıqlandı
-
13:26
AFFA öz futbolçularını təhqir edən baş məşqçini cəzalandırdı
-
13:10
“Turan Tovuz”un müdafiəçisi 4 oyunluq cəzalandırıldı
-
12:47
Bakıda keçirilən atıcılıq üzrə Dünya Kubokunda ilk qaliblər müəyyənləşib
-
12:22
“Baku Open 2024” beynəlxalq şahmat festivalı keçiriləcək
-
12:04
Azərbaycan Kubokunun final oyununa təyinatlar açıqlanıb
-
11:39
Millimizin baş məşqçisi məğlubiyyəti şərh etdi
-
11:16
"Prezident Kuboku-2024": Azərbaycan avarçəkənləri növbəti medalı qazanıblar
-
10:51
I Liqanı tərk edəcək komanda müəyyənləşib
-
10:28
Azərbaycan birinciliyinin final oyunlarının vaxtı müəyyənləşib
-
10:03
"Roma" "Bayer"lə bacarmadı VİDEO
-
09:47
Bakıda bədii gimnastika üzrə Avropa Kuboku start götürüb
-
09:30
"Sumqayıt" "Kəpəz"lə oyuna hazırlaşır FOTOLENT
-
22:21
"Şamaxı" "Zaqatala"ya qalib gəldi VİDEO
-
21:56
Millimiz Belarusa məğlub oldu
-
21:39
“Neftçi” mübarizəni dayandırdı
-
19:44
Bakıda bədii gimnastika üzrə Avropa Kubokunun açılış mərasimi olub
-
19:43
"Prezident Kuboku-2024": Azərbaycan avarçəkənləri günü 1 dəst medalla başa vurublar
-
19:12
"Qaradağ Lökbatan" 3 xalı 3 qolla qazandı VİDEO
-
18:27
“Qaradağ-Lökbatan” və “Şamaxı”dan qələbə
-
18:06
"Prezident Kuboku-2024": Azərbaycanın daha bir avarçəkəni medal qazanıb
-
17:45
Mohammed Kadiri: “Nəinki "Zirə, istənilən rəqibə qalib gələ bilərik”
-
16:38
İspaniyalı baş məşqçi: "Prezident Kuboku”nda iştirak hər bir idmançı üçün yaxşı təcrübə olacaq"