"Ramil Şeydayevi yavaş-yavaş oynatmağa başlayırıq"

Azərbaycan millisinin hücumçusu Ramil Şeydayevin çıxış etdiyi "Kocaelispor" sabah Türkiyə 1-ci liqasının 21-ci turunda “Adanaspor”u qəbul edəcək.

 

Futbolxeber.az saytının məlumatına görə, komandanın baş məşqçisi Ertuğrul Sağlam oyun qabağı yerli jurnalistlərə açıqlama verib.

 

Yeni transferlərdən də danışan mütəxəssis Ramil Şeydayevin komandaya tədricən uyğunlaşdığını bildirib: "Ramil Şeydayevi yavaş-yavaş oynatmağa başlayırıq. Duhan Aksu oynamağa imkan verəcək fiziki vəziyyətə qayıdır. Cümə gününə qədər bizə daha bir yeni futbolçu qoşularsa, o zaman oyun sistemimizdəki siyahını tam şəkildə tamamlayacağıq. Superliqaya çıxmaq uğrunda mübarizəni davam etdirəcəyik".

 

Qeyd edək ki, yanvar ayında  "Kocaelispor"la 1,5 illik müqavilə imzalayan Şeydayev ötən həftə yeni komandasında debüt edib. O, "Altaya" qalib gəldikləri görüşdə (2:0) start heyəydə meydana çıxıb və 72-ci dəqiqədə əvəzlənib.