AFFA 4 klubu cərimələdi

Bu gün AFFA İntizam Komitəsinin iclası keçirilib.

Futbolxeber.az saytının məklumatına görə, Azərbaycan Premyer Liqasının XX turunun “Kəpəz” - “Qarabağ” oyununda 5 futbolçusu sarı vərəqə aldığına görə Gəncə klubu 700 manat cərimə edilib.

Azərbaycan Premyer Liqasının XX turunun “Zirə” - “Sabah” oyununun 44-cü dəqiqəsində qonaq komandanın 4 nömrəli futbolçusu Elvin Camalov ikinci sarıdan qırmızı vərəqə aldığına görə 1 oyun cəzalanıb, “Sabah” klubu 500 manat cərimə edilir.

Azərbaycan Premyer Liqasının XX turunun “Neftçi” - “Qəbələ” oyununda 5 futbolçusu sarı vərəqə aldığına görə qonaq komanda 700 manat cərimə edilib.

Oyunun 59-cu dəqiqəsində “Qəbələ” klubunun 3 nömrəli futbolçusu Zurab Oçiqava rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanıb, “Qəbələ” klubu 800 manat cərimə edilib.

30.01.2024-cü il tarixində Azərbaycan Kubokunda 1/4 final mərhələsinin “Sabah” - “Qarabağ” oyunu bitdikdən sonra meydançaya kənar şəxslər daxil olduğuna görə “Sabah” klubu 800 manat cərimə edilib.

31.01.2024-cü il tarixində Azərbaycan Kubokunda 1/4 final mərhələsinin “Araz-Naxçıvan” - “Qəbələ” oyununun 75-ci dəqiqəsində “Qəbələ” klubunun 4 nömrəli futbolçusu Lukas Afriko ciddi qayda pozuntusuna görə birbaşa qırmızı vərəqə aldığı üçün 1 oyun şərti olmaqla 2 oyun cəzalanıb, “Qəbələ” klubu 1500 manat cərimə edilib. Sınaq müddəti 3 ay təyin edilib.

31.01.2024-cü il tarixində Azərbaycan Kubokunda 1/4 final mərhələsinin “Sumqayıt” - “Neftçi” oyununda “Sumqayıt” klubunun 4 futbolçusu sarı vərəqə aldığına görə “Sumqayıt” klubu 700 manat cərimə edilib.