Bojoviç: “Düşündük ki, oyunun taleyi həll olunub və "Sumqayıt" yekunu gözləyəcək”

"Prinsipcə, "Sumqayıt" birinci hissənin 10-15 dəqiqəsində yaxşı oynadı. Sonra nəzarəti ələ aldıq və üç qol vurduq. Fasilədən sonra səhvlərimiz oldu və qapımızda iki qol gördük. Bir neçə epizodumuz olsa da, yararlana bilmədik. İlk oyundan sonra nəticə yaxşıdır”.

Futbolxeber.az saytının məlumatına görə, bu sözləri “Neftçi”nin baş məşqçisi Miodraq Bojoviç Azərbaycan kubokunun 1/4 final mərhələsində “Sumqayıt”a 3:2 hesabı ilə qalib gəldikləri oyundan sonra deyib.

O, "Neftçi"nin ikinci hissədə zəif təsir bağışlamasının səbəbini belə izah edib: “Düşündük ki, oyunun taleyi həll olunub və "Sumqayıt" yekunu gözləyəcək. Həm də, cərimə meydançamızda səhvlər etdik və belə nəticə oldu”.

Monteneqrolu mütəxəssis “Sumqayıt”a həm kubok, həm də çempionat matçının çətin keçəcəyini bildirib: “Məncə, hər oyun bizimçün önəmlidir. Xal məsələsi var. Açığı, düşünmürdüm ki, "Sumqayıt"la oyun rahat olacaq. Qarşıdakı hər iki matç çətin keçəcək”.