Pedro Nuno: “Sübut etmişik ki, “Qarabağ”a qalib gələ bilərik”

“Zirə”yə qarşı yaxşı mübarizə apardıq. İkinci hissədə kiçik səhvlərdən sonra qapımızda qollar gördük. Bu səhvləri təkrarlamamalıyıq. Cavab matçında səhvlərimizdən nəticə çıxarıb qələbə qazanmalıyıq”.

Futbolxeber.az saytına müsahibəsində bu sözləri “Səbail”in yarımmüdafiəçisi Pedro Nuno Azərbaycan kubokunun 1/4 final mərhələsinin ilk oyununda “Səbail”ə 1:2 hesabı ilə uduzduqları matç barədə danışarkən deyib.

Cari mövsüm “Zirə”yə qarşı keçirdikləri 4 oyunun heç birində qələbə qazana bilməmələrinə baxmayaraq, portuqaliyalı futbolçu bildirib ki, rəqib heç də məğlubedilməz deyil: “Zirə” güclü rəqibdir. Bəzi hallarda konsentrasiyamız çatışmadı. Elə epizodlar oldu ki, diqqətsizliyə yol verdik, texniki səhvlər buraxdıq. Cari mövsüm 4 oyunun heç birində qələbə qazana bilməsək də, düşünmürəm ki, “Zirə”ni məğlub etmək olmaz. Qarşıdakı görüşdə bu uğursuz seriyaya son qoymağa çalışacağıq”.

25 yaşlı futbolçu “Səbail” üçün çempionat və kubok oyunları arasında fərq olmadığını qeyd edib: “Biz hər iki turnirə ciddi yanaşırıq. Çempionatı yaxşı yerdə tamamlamaq istəyirik. Eləcə də kubokda mərhələ adlamaq arzusundayıq. Təəssüf ki, bəzən istədiyimiz kimi alınmır”.

P.Nuno həftə sonu Azərbaycan Premyer Liqasının XXI turu çərçivəsində “Qarabağ”a qarşı keçirəcəkləri oyundan da söz açıb: “Təbii ki, bizim üçün çox çətin qarşılaşma olacaq. “Qarabağ” təkcə Azərbaycanda deyil, Avropada da çox güclü təsir bağışlayır. Amma rəqibdən çəkinmirik. Daha əvvəl də sübut etmişik ki, “Qarabağ” qalib gələ bilərik. İnanıram ki, ilk dövrədə olduğu kimi, bu dəfə də onları üstələyəcəyik”.

Fərəc ASLANOV