“Səbail” "Fakel"ə məğlub oldu

Antalyada təlim-məşq toplanışında olan “Səbail” bu gün hazırlıq prosesi çərçivəsində növbəti yoxlama oyunu keçirib.

Futbolxeber.az saytının məlumatına görə, Şahin Diniyevin komandası Rusiyanın “Fakel” klubu ilə üz-üzə gəlib. Matç Rusiya klubunun minimal hesablı qələbəsi ilə başa çatıb. Matçın taleyini penalti zərbəsi həll edib. 

Bu matçdan sonra hazırlığını tamamlayacan paytaxt təmsilçisi sabah vətənə dönəcək.

Qeyd edək ki, "Səbail" ilk sınaq matçında Rumıniya təmsilçisi “Universitatya Kluj”la qolsuz heç-heçə edib.

Yoxlama oyunu

15 yanvar

"Səbail” (Azərbaycan) - “Fakel” (Rusiya) - 0:1

Qol: Nikita Motpan, 69-pen

"Miracle Resort” hotelinin idman mərkəzi