“Səbail”in tarixinə düşən futbolçu “Kəpəz”də - ÖZƏL

Bu gündən məşqlərə başlayan “Kəpəz” yeni futbolçunu sınaqdan keçirir.

Futbolxeber.az saytına müsahibəsində bu barədə Gəncə klubunun baş məşqçisi Adil Şükürov məlumat verib.

O qeyd edib ki, “Səbail”dən heyətə cəlb olunan Amil Yunanovla yanaşı, hazırlıq prosesində Ədilxan  Qarəhmədov də iştirak edir.

Qeyd edək ki, Yunanov kimi Qarəhmədovun da son klubu “Səbail” olub. Yayda paytaxt klubundan ayrılan 22 yaşlı futbolçu “İrəvan”a transfer olunsa da, maliyyə problemləri səbəbindən I Liqa klubunda forma geyməyib.

Əlavə edək ki, U-21 millimizin sabiq üzvü 2020-ci ildə, 17 il, 313 günlüyündə fərqlənməklə “Səbail”in tarixinə Premyer Liqada qol vurmuş ən gənc futbolçu kimi düşüb.