“Təbii fəlakət baş verirsə, burada heç kimi qınamaq olmaz”

"Bu, təbii hadisədir. Təbii fəlakət baş verirsə, burada heç kimi qınamaq olmaz”.

Futbolxeber.az saytına müsahibəsində bu sözləri “Turan Tovuz”u kapitanı Şəhriyar Əliyev Azərbaycan Premyer Liqasının son turunda “Araz-Naxçıvan”a qarşı oyunda işıq dirəyinin aşmasına görə klub rəhbərliyinin qınanmasına münasibət bildirərkən deyib.

O, tənqidi fikirlərlə razılaşmadığını bildirib: “Heç kim heç nədən sığortalanmayıb. Tənqid edənlər düz hərəkət etmir. Rəhbərliyin futbola sevgisi, futbolçulara dəstəyi var. Tovuzda futbolun inkişafı üçün əlindən gələni, hətta artığını edirlər. Düşünürəm ki, burada rəhbərliyi qınamaq doğru addım olmaz. Onlar Azərbaycan futbolu üçün çalışırlar”.

Azad NURİYEV