4 Aprel 2025, Cümə
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

Taleh Nəsibov: “Biz istəməklə medal olmur”

“Premyer Liqada startımız yaxşı alınıb. Ötən mövsümlə müqayisədə heyətimizdə müəyyən dəyişiklik oldu. Lakin digər rəqiblərlə müqayisə etsək, “Zirə”nin heyətində bu gün də bir qədər kasadlıq var”.

Futbolxeber.az saytına müsahibəsində bu sözləri “Zirə”nin prezidenti Taleh Nəsibov komandasının cari mövsüm Azərbaycan Premyer Liqasındakı çıxışını dəyərləndirərkən deyib.

Klub rəhbəri “Zirə”nin 13 turdan sonra lider olmasını məşqçi amili ilə əlaqələndirib: “Bu mövsüm çıxışımız uğurlu alımır. Komandada məşqçi işi görünür. Eləcə də futbolçuların ustalığını qeyd etmək olar”.

T.Nəsibov cari mövsümün çox gərgin keçdirini bildirib: “13 turdan sonra lider olsaq da, turnir cədvəlində komandaların topladıqları xallar bir-birinə çox yaxındır. Cari çempionat çox gərgin keçir. Demək olar ki, komandaların hamısı iddialıdır. Heç kim deyə bilməz ki, hansısa kollektiv zəifdir, mütləq onları məğlub edəcəyik”.

“Zirə” sona kimi hazırkı mövqeyini qoruya biləcək?” sualını Taleh Nəsibov belə cavablandırıb: “Turlar keçdikcə mübarizə daha da gərgin hal alacaq. Düzdür, biz əlimizdən gələni edəcəyik. Lakin açıq deyək ki, barışmalı olduğumuz reallıqlar var. Rəqiblər yaxınlaşırlar, istər “Qarabağ”, istər “Neftçi”, istər digərləri olsun. Baş məşqçi kimi Rəşad Sadıqov da əlindən gələni edir ki, komanda uğurlu çıxışı davam etdirsin”.

Komandanın hədəfləri barədə isə o, bunları söyləyib: “Düzdür, iştah diş altındadır. Amma yenə deyirəm ki, reallıqlar var. Bizim istəyimizlə medal olmur. Çempionluq barədə düşünməyimiz belə çox erkəndir. Amma avrokubokları hədəfləyirik. İnanıram ki, komanda sona qədər hazırkı uğurlu çıxışını davam etdirəcək və qarşıya qoyulan məqsədə çatacaq”.

Fərəc ASLANOV








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30