Tilemans millimizlə oyun haqda: “Çətin mübarizə olacaq”

Belçika yığmasının futbolçusu Yuri Tilemans Avro-2024-ün seçmə mərhələsində sabah Azərbaycan millisi ilə Bakıda keçiriləcək oyunda bağlı danışıb.

Futbolxeber.az saytının məlumatına görə, o, bu gün təşkil edilən mətbuat konfransında deyib:

“Hər iki tərəf topla oynamağı sevir. Bu baxımdan çətin mübarizə olacaq. De Brüynenin yoxluğunun bizim üçün çətinliyi var. Buna baxmayaraq, keyfiyyətli oyunçulara sahibik. Ələ düşən imkanlardan yararlanmağa çalışacağıq. Meydanın durumu hər iki komandaya çətinlik törədəcək.

Komandaya qoşulan gənc futbolçular həyəcanlıdırlar, məşqlərdə özlərini yaxşı tərəfdən göstərirlər. Onlarla yanaşı, təcrübəlilərimiz də var. Hər kəs əsas heyətə düşməyə çalışır”.

Yuri Tilemans  Belçika yığmasının kapitanı Romelu Lukakunun durumuna da şərh verib: "Dəyişən bir şey yoxdur. Lukaku yenə də, yaxşı çıxış etməyə çalışır. Bacarıqlarını və keyfiyyətlirini ortaya qoyacağına əminəm".

Qeyd edək ki, sentyabrın 9-da “Dalğa Arena”da keçiriləcək Azərbaycan - Belçika matçı saat 17:00-da başlayacaq.