4 Aprel 2025, Cümə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Ölkə futbolu

Elmar Baxşıyev: "Göstərdik ki, bizi hesabdan silmək olmaz"

"Bilirdik ki, bizi ağır oyun gözləyir. "Zirə" yaxşı təşkilatlanmış komandadır. Bu tura kimi nəticə qazanmasaq da, göstərdik ki, bizi hesabdan silmək olmaz. Getdikcə daha məzmunlu və hücumameyilli futbol sərgiləyəcəyik”.

Futbolxeber.az saytının məlumatına görə, bunu “Qəbələ”nin baş məşqçisi Elmar Baxşıyev Azərbaycan Premyer Liqasının V turunda “Zirə”ni 1:0 hesabı ilə məğlub etdikləri oyundan sonra deyib.

O, “Zirə” ilə görüşlərdə uğurlu nəticə qazanmalarını belə şərh edib: “Mən də bu suala Rəşad Sadıqov kimi cavab verəcəyəm. Meydanda Rəşadla Elmar oynamır, komandalar oynayır. Bu gün hər iki komanda qələbə qazana bilərdi”.

Baxşıyev qırmızı vərəqə aldığı epizodla bağlı deyib: “Emosiya ilə bağlıdır. Hakimlər bizim sözlərimizə dərhal fikir verməməlidir. Biz də oyunun içindəyik”.

“Qəbələ”nin çalışdırıcısı transfer çalışmalarına da toxunub: “Heyətimiz geniş görünsə də, oyuna təsir edəcək futbolçuların sayı azdır. Güclənməyə ehtiyacımız var. Rəhbərliklə danışığınmız olub, bir futbolçu transfer edəcəyik”.

Baxşıyev Osama Halaylanın ehtiyada qalmasının səbəbini belə izah edib: “Mənim prinsiplərim var. Futbolçular buna uyğunlaşmalıdır. Özü niyə oynamamasının səbəbini bilir. Rejimlə bağlıdır”.

O, uğursuz nəticəyə baxmayaraq, istefa barədə düşünmədiyini vurğulayıb: “Rəhbərliklə hər gün görüşürəm, məşqlərimizdə iştirak edirlər. Mediada yazılanlar məni təəccübləndirmir. Dörd oyun uduzmağımıza baxmayaraq, rəhbərliyin dəstəyini hiss etmişəm. Əgər görsəm ki, bacarmıram, özüm gedəcəm. İstefa haqda düşünməmişəm. Mənə inanıb ora təyin edən adam olub”.

 

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30