"Qarabağ" "Olimpiya"nı devirdi

"Qarabağ" bu gün UEFA Avropa Liqasının pley-off mərhələsinin ilk oyununa çıxıb.

Futbolxeber.az saytının məlumatına görə, Ağdam təmsilçisi səfərdə Sloveniya "Olimpiya"sı ilə qarşılaşıb. Səfərdə rəqibini 2 cavabsız qolla üstələyən Qurban Qurbanovun komandası cavab oyunu öncəsi böyük üstünıük qazanıb.

Bu komandalar daha əvvəl 2018-ci ildə Çempionlar Liqasının 1-ci təsnifat mərhələsində qarşılaşıblar və həmin vaxt Qurban Qurbanovun komandası rəqibini üstələyib.

Qeyd edək ki, bu komandalar arasında cavab görüşü avqustun 31-i keçiriləcək.

UEFA Avropa Liqası

Pley-off, ilk oyun

24 avqust

"Olimpiya" (Sloveniya) - "Qarabağ" (Azərbaycan) - 0:2

Qollar: Kevin Medina, 33 (0:1), Leandro Andrade, 44 (0:2)

Qırmızı vərəqə: David Sualehe, 90+5 ("Olimpiya")

Baş hakim: Georgi Nikolov Kabakov (Bolqarıstan)

Lyublyana, "Stozice" stadionu