Toşak: "Neftçi" onun qarşısını heç cür ala bilmədiyindən..."

"Xəzər Lənkəran"ın baş məşqçisi Con Toşak ölkə superkubokunu qazandıqları oyunu şərh edib. Futbolxeber.az-ın məlumatına görə, uelsli mütəxəssis Tounkaranın rəqibin təxribatına uyduğunu qeyd edib: "Qələbəyə layiq idik. İlk hissədən sonra ən azı 2 top fərqi ilə irəlidə olmalı idik. Azlıqda qaldıqdan sonra vəziyyətin çətin olduğunu bilirdik. Sonra bəzi dəyişiklər etdik, müdafiədə etibarlı oynadıq. Cərimə zərbəsindən sonra qol vurduq. Hakimin o qərarı anlaşılmaz idi. Bizim ölkəmizdə belə bir deyim var: Verən də, alan da şeytandır. Tounkaranın qırmızı vərəqə aldığı epizodu da görmədim, o da mənim üçün anlaşılmaz qaldı. Görünür, rəqibin təxribatına uydu. “Neftçi” onun qarşısını heç cür ala bilmədiyindən, belə təxribata əl atdı. Ola bilsin, bu, ona gələcəkdə dərs olar”.