Millimizin müdafiəçisi Bolqarıstan çempionatında debut etdi

Bolqarıstan çempionatında dördüncü turun oyunları keçirilir.

Futbolxeber.az saytının məlumatına görə, millimizin müdafiəçisi Cəlal Hüseynovun formasını getdiyi “Arda” səfərdə “Botev”in qonağı olub.

İşçi vizası ilə bağlı problem həll olunan Cəlal bu matçda Bolqarıstan çempionatında debut edib. Görüşə ehtiyat oyunçular skamyasından başlayan Hüseynov 73-cü dəqiqədə Plamen Kraçunovun əvəzinə meydana çıxıb.

Millimizin müdafiəçisinin ayağı “Arda” üçün düşərli olub. Belə ki, 2:0 hesabı ilə qalib gələn komanda mövsümdə ilk dəfə meydanı 3 xalla tərk edib.

Hazırda 3 oyundan sonra 4 xalı olan Hüseynovun komandası turnir cədvəlində 6-cı pillədə qərarlaşıb. “Arda” gələn tur öz meydanında “Lokomotiv Sofiya”nı qəbul edəcək.